အခုပြောမှာကတော့
မြေအိမ်နေရာရွေးချယ်မှု အဆိုးအကောင်းတွေပဲဖြစ်ပါတယ်။ ဒီနေရာမှာ ခေတ်နဲ့လုံး၀မလျော်ညီ
တော့တဲ့၊ လုံး၀ရှာဖွေလို့ရမှာ မဟုတ်တော့တဲ့ ပုံစံမျိုးတွေကို အကျယ်တဝံ့မပြောတော့ဘဲချန်ထားခဲ့ပါမယ်။ ဥပမာ ပြောရရင် - ဘေးမှာ တောင်တန်းလေးတွေပတ်နေပြီး
အနောက်ဘက်မှာ တောင်တန်းကြီးက နောက်ခံနေပေးတဲ့နေရာမျိုး
မြစ်၊ ချောင်း တွေ ကွေ့ဝိုက်စီးဆင်းတဲ့နေရာမျိုးက ဖုန်းရွှေအကောင်းဆုံး မြေကွက်ပုံစံပါ။
ကဲရှာလို့ရဦးမှာလား။
ကဲဒါကတော့ သတိထားရမယ့်
အချက်လေးတွေပါ။
- အိမ်ဆောက်မယ့်မြေဟာ စတုဂံ (သို့) ထောင့်မှန်စတုဂံဖြစ်ရပါမယ်။ အနားမညီတဲ့မြေကွက်၊ L ပုံစံရှိတဲ့မြေကွက်၊ တွေဟာ အိမ်ဆောက်ဖို့မသင့်ပါဘူး။ အရှေ့ကျယ်ပြီး အနောက်ကျဉ်းတဲ့မြေကွက်မျိုးမှာ နေရင်လည်း အိမ်ထောင်ရေးအဆင်မပြေ တတ်ပါဘူး။
- ဘုရားကျောင်း၊ ဘုံကျောင်း၊ သင်္ချိုင်းတို့ရဲ့ အနီးမှာ နေလို့မသင့်တော်ပါဘူး။
- ကိုယ့်ရဲ့အိမ်နားမှာ တခြားအိမ်တွေလည်းရှိမယ်ဆို ကျန် မြေတွေရဲ့ အကျယ်အ၀န်း၊အိမ်တွေအားလုံးဟာ အရွယ်အစား မတိမ်းမယိမ်းရှိရပါမယ်။ ကိုယ့်အိမ်ထက်အရမ်းပိုကြီး၊ ပိုမြင့် တဲ့အိမ်မျိုးတွေ ကိုယ့်အိမ်ရဲ့ပတ်၀န်းကျင်မှာ ရှိမနေရ ပါဘူး။
- လှေဦးတိုက်၊ လှေဦးတိုက်လို့ခေါ်တဲ့ လမ်းဖြောင့်ရဲ့အဆုံးနေရာ ။ ဒီလိုနေရာမျိုးကိုရောက်နေရင် အိမ်ရှေ.မှာ ကြည့်မှန်ကိုတပ်ပေးပါ။
- ဂုံးကျော်တံတားအောက်၊ မိုးပျံလမ်းမကြီးရဲ့အောက်ရောက်နေရင်မကောင်းပါဘူး ။ အောက်မရောက်ရင်တောင် တံတားရဲ့ အချွန်နေရာက ကိုယ့်အိမ်ကို ထိုးထားရင်မကောင်းပါဘူး။ (ရန်ကုန်က ဂုံးကျော်တံတားတွေကိုကြည့်ရသလောက်ကတော့ ထောင့်ချွန်တွေမလုပ်ပဲ ဝိုက်ထားတာတွေ့ရတယ်။)
- သင့်အိမ်က လမ်းမကြီးပေါ်ကို တက်ဖို့ ကိုယ်ပိုင်လမ်းလေးဖောက်ရမယ်ဆို လမ်းဖြောင့်ထက်စာရင်၊ လမ်းလေးကိုကွေ့ပြီး ဖောက်တာပိုကောင်းပါတယ်တဲ့။ မြေတော့ပိုကုန်တာပေါ့။ ဖုန်းရွှေပညာဆိုတာ ကောင်းတဲ့ချီဓာတ်တွေကို ဖိတ်ခေါ်တဲ့ ပညာပါ။ ဖြောင့်တန်းတဲ့နေရာတွေဆို ချီဓာတ်၀င်တာမြန်ပြီး၊ ကွေ့ကောက်တဲ့နေရာတွေမှာဆို ချီဓာတ်စီးဆင်းမှု မျှတ တယ်လို့ ယူဆတဲ့ အတွက် လမ်းကွေ့လေးတွေပိုကောင်းတာပါ။
- အကွေ့အကောက်လေးတွေအကြောင်းပြောရင်းနဲ့ တိုက်ဆိုင်လို့ပြောဦးမယ်။ ဂုံးကျော်တံတားရဲ့အောက်တို့ ထောင့်ချွန် ထိုးတဲ့နေရာတို့သာမကောင်းတာပါ။တံတားကို ကိုယ့်အိမ်ကို ဝိုက်ပတ်ပြီးသွားရင်လည်း အရမ်းကောင်းပါတယ်တဲ့။
- မြစ်ချောင်းတွေ ဝိုက်ပြီးစီးသွားရင်လည်းမင်္ဂလာအရမ်းရှိတယ်တဲ့။ ဒါပေမယ့် အိမ်ရဲ့အနောက်ကနေ ဖြတ်သန်းစီးဆင်း သွားတာမျိုးကြီးပဲ ဆိုရင်တော့မကောင်းပါဘူး။ အခွင့်အရေးတွေလက်လွှတ်ဆုံးရှုံးရတတ်ပါတယ်။ ဖြေဆေးအနေနဲ့ အိမ်နဲ့ချောင်းကြားမှာ သစ်ပင်တွေစိုက်ပြီးကာလိုက်ပါ။
- အိမ်ရဲ့၀င်ပေါက်ရှေ့မှာ အဆောက်အဦး အမြင့်ကြီးတွေ၊ သစ်ပင်တစ်ပင်တည်း ထီးထီးကြီးပေါက်နေတာမျိုးတွေ ရှိရင် မကောင်းပါဘူး။ တစ်ခြားအဆောက်အဦးရဲ့ အမိုးထောင့်ချွန်တွေကလည်း ကိုယ့်အိမ်၀င်ပေါက်ကို ထိုးမနေစေရပါဘူး။
မြေနေရာကောင်းတွေကိုရွေးချယ်နိုင်ပါစေ။
To Read with Zawgyi
No comments:
Post a Comment